اِس دنیا میں اک گاؤں ہے
اس گاؤں کا نام گڑاؤں ہے
اس گاؤں کا راجا رانا ہے
جو ٹوٹ بٹوٹ کا نانا ہے
اس گاؤں میں جتنے رہتے ہیں
وہ سب کے سب یہ کہتے ہیں
یہ گاؤں بڑا پرانا ہے
یاں ٹوٹ بٹوٹ کا نانا ہے
اس گاؤں کے لوگ نرالے ہیں
سب دو دو آنکھوں والے ہیں
بس ایک ہی اُن میں کانا ہے
وہ ٹوٹ بٹوٹ کا نانا ہے
اس گاؤں میں جو بھی آتا ہے
فوراً احمق بن جاتا ہے
بس ان میں ایک ہی سیانا ہے
وہ ٹوٹ بٹوٹ کا نانا ہے
یاں جتنے بھی ہمسائے ہیں
سب دادے، چاچے، تائے ہیں
یاں ایک اکیلا نانا ہے
وہ ٹوٹ بٹوٹ کا نانا ہے
