محنت کر کے جنت لوٹو
ماہِ صیام کی برکت لوٹو
جنت کے دروازے کھلے ہیں
اپنے رب کی نعمت لوٹو
قیمتی اس کی اک اک ساعت
اس کی اک اک ساعت لوٹو
اپناؤ تقویٰ کی بلندی
عظمت لوٹو رفعت لوٹو
سردی ہو گرمی رکھو روزے
کر کے مشقت راحت لوٹو
پہلا عشرہ، عشرۂ رحمت
غفلت چھوڑو رحمت لوٹو
دوسرا عشرہ عفو و کرم ہے
مانگو معافی قربت لوٹو
تیسرا عشرہ نار سے رخصت
خوش ہو جاؤ رخصت لوٹو
پھر ہیں عید الفطر کی خوشیاں
خوشیاں مناؤ فرحت لوٹو
