پہنچے کل ہم لوگ اثرؔ
حیدرآباد کے چڑیا گھر
حیدرآباد کا چڑیا گھر
جس کے اندر تھے بندر
دیکھا ہم نے مرغ شتر
اونٹ کو رب نے بخشے پر
موٹا تازہ شیر ببر
بند تھا پنجرے کے اندر
جس کے آگے ہاتھی بھی
کانپتا ہے تھر تھر تھر تھر
دیر تلک مرکوز رہی
میری چشم غزالاں پر
منی حبیبہ تتلا کر
دکھلاتی تھی اپنا ہنر
ایک طرف حسان میاں
دوڑتے پھرتے تھے فر فر
کودتے پھاندتے پھرتے تھے
ساتھ حذیفہ اور عمر
رانی باغ ہے نام اس کا
رانی ہے مفقود مگر
